تيسير السفير***خايف***

* خايف* (تيسير السفير)



مااصدك ذاكرني وجاي كاعد يمي وتحجي وياي مامرتاح لجيتك هاي خايف منهة....خايف ممتعود زين اتصير وتحاجيني بحنيه كل عمرك خلصته وياي بيه تلوم وتحجي عليه ....صاير تمسح دمعي بديك واتكلي ضل بالي عليك هاي الحنيه إلي بيك خايف منهة


صاير شفاف وحبوب صاير من الخجل أتذوب جيتك هاي توكف كَلوب وخايف منهة....خايف لازم عندك شي وياي هاذة أسلوبك مو خالي عمري حبيبي حياتي عيوني تحجيهة بأول تالي....صاير تمسح دمعي بديك واتكلي ضل بالي عليك هاي الحنيه إلي بيك خايف منهة


سبحان مغير الأحوال جنت بحال وصرت بحال هاي الماجانت على البال وخايف منهة....خايف مااذكر يوم وياك بيه فرحان ومتهني من أرضى أتضل مامرتاح لازم اله اتزعلني....صاير تمسح دمعي بديك واتكلي ضل بالي عليك هاي الحنيه إلي بيك خايف منهة.